Nga fëmijët për fëmijët

Ishte një nder dhe kënaqësi e madhe takimi me drejtuesit dhe një pjesë të stafit të Kopshtit Pranvera. Vizita nga ana e tyre kishte qëllim falenderues dhe human. Fëmijët e shtruar në Institutin tonë marrin një numër të madh dhuratash të përzgjedhura dhe të blera me kujdes nga bashkëmoshatarët e tyre nga Kopshti Pranvera me dëshirën për një shërim sa më të shpejtë të fëmijëve të shtruar. Ky lloj i donacioneve është i një rëndësie të veçantë për ne si institut sepse shoqërohet me shumë dashuri dhe urime të sinqerta për një shërim sa më të shpejtë të pacientëve tanë të vegjël.

Edhe një herë, një falenderim i madh për të gjithë fëmijët e Kopshtit Pranvera si dhe gjithë ekipin për këtë donacion të bukur dhe të veçantë.

Me respekt,

Instituti i Shëndetit Publik për Sëmundje të Mushkërive tek Fëmijët Kozle.